Among many other things I hope to be able to tell you, our father - your grandfather - was a poet by heart. His old-fashioned poems, mostly in the Bicol-Naga vernacular, may not mean much to others, but you can credit him with the fact that, confronted with the blank page dreaded by anyone who wants to commit his sentiments on paper, he managed to express himself in verse on matters near and dear to him.
Borrowing from Emily Dickenson's famous dictum, he always said that he was "born in Buhi, lived in Buhi and will die in Buhi". As you can readily see from the poem reproduced below, he loved and was fiercely proud of our hometown...
BANWAAN KONG BUHI
(Sa Saimong Ika-Kuwatro Siyentos na Pagkabuhay)
Ni Vivencio J. Atutubo, Sr.
Ika-Kuwatro Siyentos Anyos na ngonian an pagdurar mo
bilang sarong Munisipyo o Banwaan nganing gayo,
Probinsiyang Kamarines Sur na nakakasakop saimo
orgolyoso huling ika Banwaang bareta sa mundo.
Sa saimong pagkaigwa nin Sirang pinakasadit
na an ngaran Sinarapan na managomon an namit,
asin ta kon kinakakan labing gatos sarong hongit
pambihira, ngangalasan Grasyang regalo nin Langit.
Asin ta a puwera ka'yan sarong Banwa kang magayon,
sa rekursos naturals sadyang gayong mayamanon,
may klima kang saludable y Danaw na malinawon
may Bresang Paronamikal na sa buhay serbing bolong.
An Rona nin Kabikolan na saimong namomogtakan
na huli sa tolong bukid sadyang gayong namidbidan,
na an pangaran Isarog, Bulkan Mayon y Bulusan
ay lalo mong napabantog, napagayon, napayaman.
Banwang Buhi anong ogma nin sarong kapareho ko
na namundag sa daga mo asin nabuhay sa Mundo,
huling ika minsan sadit sanang Banwa nganing gayo
popular sa kagayonan sa Sinarapan pamoso.
Na kon kaya sa saimong Selebrasyonngani ngonian
Ika-Kuwatro Siyentos Anyos na saimong pagkabuhay,
poon ika moknaon na Banwaan nganing tunay
akong ining saimong Aki minawot kang dolotan
Nin tulang gikan sa puso asin panong pagkamoot,
leyaltad y sensiridad, dakulang utang na boot,
bastang simo Banwaan ko buhay ko man idodolot
kon sadya na kaipuhan nganing magdurar kang sagkod.
Banwaan kong namundagan na may Baryong Treinta y Otso
Sta. Elena, San Roque, Santa Klara y San Pedro,
San Buenaventura asin San Paskwal na nasa sentro
o Poblasyon nin Banwaan na magayonon na gayo.
Sta Kruz, Ipil Fatima y Del Rosario Iraya
Ibayugan asin Tambo, Kabatuwan y Salvacion pa,
Borokbosok y De la Fe, San Ramon y Sta. Justina
Salay, Lourdes, Los Angeles asin Sagrada Pamilya.
San Isidro, Sta. Isabel, San Rafael, San Francisco
Antipolo, San Vicente, Kagmaslog y San Antonyo,
Igbak y Monte Kalbaryo, Gabas y Divino Rostro,
Baybayon asin Amlongan asin Labawon na gayo.
Asin an duwang harayo na Baryo ang natatada
Makaangay, Namurabod nn Banwa kong minumutya,
kompuwestong gatos na sityos, mga lugar na bareta
na sadyang minapagayon Banwang Buhi nagdakula.
May burabod na asupre y magkapirang Boksokan
May La Roka Engkantada, Buwenavista, Binangkaan,
salog Iraya y Lalo asin salog Sinilyaran
salog Ibaliw y Tabaw palaog-luwas sa Danaw.
An Danaw mong panong gayon estada nin Sinarapan
may tubig na garong Kristal, presko asin panong yaman
ta puwera sa Sinarapan ibang isda kadakul man
karpa, talusog, tilapia, hito, atas, birarawan.
Ibang produktos kadakul, paroy, niyog y abaka
Batag, tubo, gugulayon, unod na mangiba-iba,
Manok, orig asin itik, sai-saring Industriya
na bastang mahigoson ka mabubuhay kang maogma.
Sa linya nin Edukasyon Banwang Buhi bareta man
huling haros kada Baryo may sadiring Eskuwelahan,
asin igwang limang Haiskul an saro sa Buraburan
saro sa Baryon in Tambo, tolo sa sentrong Banwaan.
Taga Buhi mamomoton sa Diyos asin Relihiyoso
mayoriyang-mayoriya an Katoliko Romano,
may duwang Patron na Santo, San Francisco, San Antonio
kaya bakong ngangalasan kon an Banwaan Gloryoso.
Laog Kuwatro Siyentos Anyos nin saimong pagkabuhay
minamahal niyakong Buhi na sakuyang namundagan,
kon ika man di masabing progresibo nganing marhay
dai ka man masasabing huring gayo na banwaan.
Paglaom mo nakaogtak sa abaga nganing gayo
nin saimong kaakian dapit kan saimong Destino,
an presenting henerasyon kon kulang an maginibo
futuro mong kaakian siverong iyong matrabaho.
Kaya ngani sakong Banwa dai ka magdespirar
Paglaom mo pasariga na mayong anong pagdudar
na tanganing magpaqdagos an saimong pagprogresar
na baad magin Siyudad ka asin dakula na lugar.
Sagkod na lang sa digdi ining sakong Tulang Dolot
sa sa saimong Selebrasyon na pano nin Pagkamoot,
bilang Aki sa Ina niya ako Banwa nagmamawot
na magdanay ka sa Grasya nin Diyos na masoripot.
Sta. Elena, Buhi, Camarines Sur
Agosto 10, 1978
No comments:
Post a Comment